Spanjollët janë turistët risi e këtij viti ne Shqiperi. Tē shumte ne numer ata kanë gjetur parajsën e tyre, në Sarandë e cila me detin e pastër dhe çmimet e lira ka arritur që t’i rrëmbejë zemrën spanjolleve.
“Quhem Raul, jemi një çift nga Spanja që kemi ardhur për të bërë pushimet këtu, është një vend që ka plazhe të mrekullueshme, është hera jonë e parë këtu në Shqipëri, kemi qenë në Vlorë në Ksamil dhe tani këtu në Sarandë , dhe qyteti jonë i preferuar është Saranda sepse ka plazh të mrekullueshëm dhe një gastronomi shumë të mirë”,-tha turisti spanjoll.
Operatorët turistikë, thonë se ky fluks i tyre ka nisur që një vit më parë. Kjo pasi ata njihej si turistët që kërkojnë te eksplorojnë çdo gjë. Ndaj në Shqipëri, kanë gjetur çfarë kërkojnë, sidomos jetën e natës.
”Spanjollët kryesisht janë turistë shumë të mirë, gjëja që unë do thoja është që i japin një shtysë jetës së natës, që do të thotë janë frekuentues të restoranteve e hoteleve po plotësojnë pazllin, edhe jetën e natës“, tha operatori turistik.
E teksa Shqiptarët, po preferojë të shkojnë në Ibiza, Spanjollët, po sjellin ritmet e tyre në Shqipëri.
