Analisti Genc Burimi ka bërë një parashikim të asaj që mund të ndodh pas zgjedhjeve parlamentare të vitit 2025 në Shqipëri.
Burimi tha se amerikanët janë në kërkim të një “politikani” për të zëvendësuar kryeministrin Edi Rama. Sipas tij, në 2025-ën mund të ketë një koalicion të detyruar midis PS-së dhe partisë së Lulzim Bashës me kushtin që kryeministri Rama të mos jetë shefi i qeverisë së ardhshme.
“Në zgjedhjet e vitit 2025 Partia Demokratike shkon e përçarë në zgjedhje. Në 2025, Lulzim Basha ka arritur të ngjizë më shumë vota rreth vetes dhe mund të kemi një koalicion mes partisë së Lulzim Bashës dhe PS-së. Amerikanët do të urdhërojnë një koalicion mes Bashës dhe PS-së por pa Edi Ramën kryeministër. Ose amerikanët mund të neutralizojnë dhe Metën e Berishën përmes SPAK-ut dhe i krijohen Bashës të gjitha kushtet që të rimarrë opozitën dhe të vijë në pushtet”, tha Burimi.
