Kryeministrja italiane, Giorgia Meloni e cila disa ditë më parë iu bashkua italianëve që po kalojnë verën në Shqipëri këtë vit, pagoi faturën për bashkatdhetarët e saj që u larguan nga një restorant në Berat pa paguar faturën.
“Me rekomandimin e kryeministres, Giorgia Meloni, ne proceduam me shlyerjen e faturës së mbetur të papaguar nga një grup turistësh italianë në një restorant në qytetin e Beratit”, thuhet në shënimin e publikuar nga Ambasada në Tiranë. Italianët – vijon njoftimi për shtyp – respektojnë rregullat dhe shlyejnë borxhet e tyre dhe shpresojmë që episode të këtij lloji të mos përsëriten më.
Ambasada sqaron gjithashtu se “pagesa është likuiduar me fondet personale të kryeministres Meloni nëpërmjet Ambasadës, e cila është kufizuar në kryerjen fizike të pagesës”.
