Ministrja italiane e turizmit, Daniela Santache deklaroi se Shqipëria nuk mund të krahasohet dot me Italinë për sa i përket bukurive natyrore dhe kulturës.
“Unë jam ministrja e parë e qeverisë italiane që kam shkuar në Shqipëri, por nga pikëpamja kulturore dhe dhe e peisazhit nuk ka krahasim me Italinë” tha Santache.
Beteja për tregun turistik mes dy vendeve nisi me një meme të postuar nga kryeministri Edi Rama e cila tregonte italianët që vërshonin drejt Shqipërisë në anijen e famshme ‘Vlora’. Postimi shkaktoi polemika në mediat italiane, per faktin se Shqipëria është vizituar nga 500 mijë italianë, ç’ka përbën një rekord historik. Shumë biznese italiane kanë shprehur shqetësimin për rënien e ndjeshme të turistëve, të cilët sipas tyre, po zgjedhin të kalojnë masivisht pushimet në Shqipëri.
Shqipëria u vizitua edhe nga kryeministrja italiane, Giorgia Meloni e cila qëndroi disa ditë në Vlorë me ftesë të kryeministrit Edi Rama.
