Kryeministri Edi Rama duke folur për naftën e gjetur në Shpirag thotë se nëse do ketë sukses do jetë një mbështetje e madhe për qytetarët e Shqipërisë.
Me të ardhurat nga kjo pasuri, Rama theksoi se do të krijohet një “fond sovran” që do të përdoret për të ndihmuar ekonominë në të ardhmen, por do t’i vijë në ndihmë dhe skemës së pensioneve. Rama tha se ata të cilët kanë jetuar dhe punuar në Shqipëri kanë të drejtë që në pension të marrin shpërblimin e tyre nga kjo pasuri.
“Të gjithë duhet të jenë sot të bindur se kjo pasuri e madhe (nafta në Shpirag) është një mbështetje për çdo Shqiptar. Nuk e kam fjalën që do marrë një kovë me naftë, apo lek në dorë, por përfitimi ekonomik dhe financiar nga kjo pasuri do impaktojë pensionet, sistemin e arrestimit, shëndetësisë, mirëqenien e fëmijëve tanë. Ata do jenë përfituesit më të mëdhenj se ne do ndërtojmë si duhet një fond sovran serioz për mbrojtjen, garantimin dhe fuqizimin e sovranitetit”, tha Rama.
