Raportet diplomatike me Greqinë janë tejet të tensionuara për shkak të arrestimit të kryebashkiakut të zgjedhur të Himarës, Fredi Belerit i akuzuar nga SPAK për blerje votash në zgjedhjet lokale të 14 majit.
Mes kërcënimeve nga ana e Athinës se do të vërë veton për integrimin e Shqipërisë në Bashkimin Europian, kryeministri Edi Rama duket krejtësisht i pa shqetësuar. Kryeministri tha se nuk i frikësohet një “hakmarrje” nga Greqia, sipas së cilit për të është shumë më e rëndësishme testi i SHELL në Shpirag.
Gazetari: I frikësoheni vetos së Greqisë për integrimin e Shqipërisë në BE?
“Unë i druhem vetëm një gjëje që testi në Shpirag të mos dalë pa sukses, vetëm kësaj i druhem, asgjë tjetër”, u përgjigj Rama duke i lëshuar një “sinjal” Greqisë se është e pafuqishme për ta ndalur integrimin e vendit tone.
