Kryeministri Edi Rama i është përgjigjur gazetarit të mediat greke “Kathimerini” nëse në Himarë mund të ketë zgjedhje të reja, pasi kryebashkiaku i zgjedhur Fredi Beleri ndodhet në burg për shitblerje votash.
Rama është shprehur se duhet të presim gjyqin për Beleri e se mund të mos zhvillohen zgjedhje derisa gjykohet nëse është fajtor apo i pafajshëm.
“Nëse kryebashkiaku i zgjedhur nuk shfaqet pas 90 ditësh të betohet, atëherë qeveria duhet ta çlirojë nga detyra dhe të vendosë një kryebashkiak teknik deri sa të realizohen zgjedhjet e reja, që do të shpallen nga presidenti. Mund të mos bëjmë zgjedhje të reja derisa të gjykohet fajtor ose i pafajshëm. Por ky nuk është një qëndrim juridik, është pikërisht çfarë mendoj se duhet bërë nga momenti që nuk kemi precedentë”, tha Rama.
