Kryeministri Edi Rama është shfaqur skeptik për sa i takon integrimit të Shqipërisë në Bashkimin Europian per të cilen vazhdimisht ka shfaqur kritika.
Në fjalën e tij nga Forumi Strategjjk i Bledit në Slloveni, Rama ‘nuk beson se Shqiperia deri në vitin 2030 do të jetë pjesë e BE’, por ai ka kërkuar që përveç reformave dhe kritikave të ketë sa më shumë mbështetje financiare në lidhje me zhvillimin e këtyre vendeve që përpiqen të marrin sa më shumë iniciativa për treg të përbashkët.
“Nuk besoj që në vitin 2030 ne do jemi në BE, por të paktën në disa prej hapave… kjo do të ishte shumë mirë. Përderisa ne po flasim për konvergjencën me BE, duhet të kuptojë që boshllëku për frymë i BE-së, rreth këtij rajoni dhe shteteve të Ballkanit perëndimor është si 170 e ca euro… dhe më shumë se 14 mijë euro për të gjithë ne. Kjo duhet kuptuar dhe duhet zgjidhur me hapa konkretë. Duhet të jenë edhe këto gjëra në proces, jo thjesht reforma dhe kritika që janë absolutisht të nevojshme por mbështetje sa më konsistonte, s’po flas vetëm financiare por edhe ndihmë në tregun e përbashkët“, tha Rama.
