Kryeministri Edi Rama që ndodhet në New York për drejtimin e Këshillit të Sigurimit të OKB-së, takoi ish-ambasadoren e SHBA në Shqipëri, Yuri kim.
Lajmin e ka bërë të ditur ish-ambasadorja amerikane ku shkruan se ndihet e kënaqur kur shikon kryeministrin e Shqipërisë Edi Rama teksa i kryesoi debatin e Këshillit të Sigurimit mbi pushtimin e Rusisë në Ukrainë.
Kim tha se gjatë takimit të tyre ata kanë diskutuar për të forcuar marrëdhëniet mes Shteteve të Bashkuara dhe Shqipërisë dhe mbështetjen për rrugën e anëtarësimit të Shqipërisë në BE.
“E kënaqur të shoh kryeministrin e Shqipërisë Edi Rama në UNGA78 , ku ai kryesoi debatin e Këshillit të Sigurimit mbi pushtimin e Rusisë në Ukrainë. Ne patëm gjithashtu mundësinë të diskutonim mënyrat për të forcuar marrëdhëniet mes Shteteve të Bashkuara dhe Shqipërisë, mbështetjen për rrugën e anëtarësimit të Shqipërisë në BE dhe bashkëpunimin tonë në NATO dhe në Këshillin e Sigurimit të OKB-së”, shkruan Kim.
