Kryeministri Edi Rama, gjatë fjalës së tij në Ministerialin euro-ballkanik të Ministrave të Ekonomisë nga BE-ja dhe rajoni theksoi se ka ardhur koha që nga fjalët premtuese të kalohet në vepra konkrete.
Rama shtoi se BE ka po aq nevojë për Ballkanin Perëndimor sa Ballkani ka nevojë për BE.
“Së pari, jam i nderuar që Shqipëria organizon samitin e parë të procesit të Berlinit jashtë kufijve të BE dhe për këtë më duhet të falenderoj me gjithë zemër kancelarin Scholz dhe ekipin gjerman që ishte mjaft i prirur ta sillte samitin e Berlinit në rajon këtë vit. Tashmë po shohim të marrim frytet sepse pema është pjekur mjaftueshëm për të marrë frytet. Besoj se nuk e teproj nëse them se BE ka nevojë për Ballkanin perëndimor po aq sa Ballkani ka nevojë për BE. Nga fjalët premtuese, duhet të nisim të shohim vepra premtuese“, tha Rama.
