Një paralajmërim i fortë për shoferët vjen ditën e sotme. Të gjithë makinat që parkohen gabim do të merren me karrotec dhe do të zhvendosen e më pas do të bllokohen.
Lajmi u bë i ditur nga ministri i Brendshëm Taulant Balla që e konsideroi këtë sjellje të shoferëve si një problem për trafikun dhe po ashtu një karshillëk ndaj Kodit Rrugor.
“Ne duam mirëkuptimin e drejtuesve të mjeteve, se makina juaj e parkuar gabim është një problem shumë i madh për të tjerët, të cilëve u ke zënë rrugën, po ashtu dhe një karshillëk i madh ndaj Kodit Rrugor. Brenda pak ditësh çdo mjet i parkuar gabim do të largohet nga vendqëndrimi i gabuar me makineri të specializuar (karoatrec) të kontraktuar nga Policia Rrugore dhe do të bllokohet. Parkimeve të gabuara vend e pa vend, parkimeve dyshe, treshe mu në mes të rrugës, parkimeve mbi trotuar apo tek korsia e biçikletave etj., do duhet t’i jepet fund“, tha Balla.
