Fillimi muajit Tetor nënkupton fillimin e muajit të ndërgjegjësimit të Kancerit të Gjirit.
Muaji i vetëdijesimit të Kancerit të Gjirit, ndihmon në rritjen e vëmendjes dhe mbështetjes për vetëdijen, zbulimin dhe trajtimin e hershëm, si dhe kujdesin për këtë sëmundje.
Ministrja e re e Shëndetësisë, Albana Koçiu u bën thirrje të gjitha grave dhe vajzave që të përfitojnë nga programi i mamografisë ‘FALAS’ në të gjithë vendin.
“Le të luftojmë së bashku tumorin e gjirit. Falë armëve dhe mjekëve tanë, kjo është një betejë që shumë nëna dhe gra po e fitojnë me sukses. Bashkojuni programit kombëtar të ndërgjegjësimit dhe diagnostikimit të hershëm të kancerit të gjirit. Duaje veten! Kontrollohu në kohë!” – e përfundon mesazhin Ministrja e Shëndetësisë dhe Mbrojtjes Sociale, Albana Koçiu.
