Rritja e pensioneve është “kryefjala” e çdo të moshuari në vendin tonë dhe tashmë ka ardhur koha që qeveria shqiptare të hedhë një hap serioz për të shpërblyer moshën e tretë.
Pavarësisht rritjeve të vazhdueshme dhe bonuset e shpërndarë herë pas here nga qeveria Rama, kjo nuk mjafton për pensionistët që të përballojnë shpenzimet për shkak të rritjeve të çmimeve.
Pensionistja Elida Karafili mëngjesin e kësaj të hëne ka një mesazh për qeverinë Rama e cila duhet të kthejë kokën dhe të ndihmojë moshën e tretë duke bërë një rritje të madhe të pensioneve.
E moshuara tregon se nuk ka gjë më të dhimbshme se të punosh 35 vite dhe të dalësh nga shtëpia vetëm me 70 lekëshin e kafes.
“Unë kam shoqe që e kanë pensionin edhe 400 mijë edhe që e kanë 200 mijë dhe nga asnjëra nuk kam dëgjuar që unë jetoj mirë dhe jam e kënaqur. Të dali një pensionist pas 35 vitesh punë, një 70-vjeçar dhe të marri në xhep vetëm 70 lekëshin e kafes, më e dhimbshme se kaq nuk ka”, tha pensionistja.
