Pas humbjes katrastrofë në zgjedhjet lokale, Sali Berisha po mundohet të justifikohet tek demokratët duke vijuar “zakonin e vjetër” me pretendimin se Edi Rama i paska vjedhur votat.
Gjatë intervistës për “Vizion Plus”, Sali Berisha tha se nuk beson që ndryshimi i pushtetit të ndodhë me votë. Në këto kushte, sipas Berishës, ndryshimi i pushtetit mund të vijë përmes revoltës qytetare në formën e protestave.
Në të kundërt, Berisha habiti me paralajmërimin se: “Nëse shqiptarët nuk ngrihen në protestë, Edi Rama do jetë (në pushtet) deri në vitin 2040-2045”.
Por Sali Berisha harron që në zgjedhje shkon nga disfata në disfatë dhe vazhdon me “zakonin e vjeter” duke pretenduar serish se u jane vjedhur votat demokrateve.
