Kryeministri i Malit të Zi, Dritan Abazoviç është i bindur se çdo përpjekje e kryeministrit Edi Rama shkon për të pasur një rajon në paqe.
Në një prononcim për mediat pas përfundimit të mbledhjes së Ministerialit të Ministrave të Jashtëm të Procesit të Berlinit në Tiranë, Abazoviç shprehet se fokusi i kryeministrit Rama në çdo aktivitet ndërkombëtar është bashkëpunimi, paqja dhe progresi.
Pyetje: A mendoni edhe ju se veriu i Kosovës është tokë e askujt apo e Republikës së Kosovës?
Dritan Abazoviç: “Mali i Zi ka njohur Kosovën në kufijtë që janë të pranueshme, si të gjithë shtetet që e kanë njohur Kosovën. Dakord jemi me çdo aktivitet të KFOR-it dhe të tjerëve që japin kontribut. Jam i bindur se veprimet e Ramës dhe çdo aktivitet i tij ndërkombëtar që është jashtëzakonisht i madh, shkojnë që të gjendet modaliteti, të gjendet paqe dhe të shkojmë në progres. Nuk i takoj politikanëve që do të nisë kritika ndaj Ramës pasi jam mëse i bindur se çdo veprim i tij pa marrë parasysh si intepretohet, shkon vetëm si të kemi një rajon ku ka për të qenë fokusi në bashkëpunim dhe paqe“
