Për analistin Lorenc Vangjeli, ngjarjet e ndodhura së fundmi kanë tronditur jo vetëm politikën, por janë ditët që shndërruan Shqipërinë.
I ftuar në “Top Story”, Vangjeli tha se pavarësisht se telashi është në Partinë Demokratike, bomba ka shpërthyer edhe në PS, pasi ‘enigmat do të marrin kuptim tjetër’.
Vangjeli gjithashtu na tregoi se Berisha ka thyer edhe identikitin e tij duke u ‘fshehur’ dhe duke mos i dalë përballë drejtësisë.
“Berisha është krye egoisti në Tiranë, është e natyrshme. Çfarë i ndodhi në ditën më të ligë të karrierës së tij politike nga SHBA, ai iu drejtua drejtësisë, tani po kërkon të godasë në derën e Ramës. Pavarësisht se duket se telashi është në PD, bomba ka shpërthyer edhe në PS. Këto janë ditët që ndërruan Shqipërinë. Enigmat do të fillojnë të kenë një kuptim tjetër. Pse është thyer identikiti i Berishës. Berisha nuk mund të fshihet pas ca ferrave të vogla. Fakti që Berisha thotë që SPAK është një shtojcë e Edi Ramës, ai e di që është gënjeshtër e madhe”-tha Vangjeli.
