Sali Berisha vendosi të mos paraqitet në seancën e GJKKO, në orën 14:00 ku do të merrej në pyetje lidhur me privatizimin e ish kompleksit “Partizani”, për të cilën akuzohet për vepren penale “korrupsion pasiv”.
Por Berisha ka dërguar në GJKKO, avokatët e tij Genc Gjokutaj dhe Sokol Mengjesi. Pasi refuzoi të dalë përballë Gjykates se Posacme, Berisha papritur u shfaq ne konferencë për mediat duke mbrojtur veten madje vazhdoi të hidhte akuza ndaj Ramës dhe “Drejtësisë së Re”.
“Nuk është se nuk pranoj, e deklarova dhe deklaroj, me sinqeritet sa herë të thirrem do shkoj. Të heqë gjykatësi masën antikushtetuese dhe ta provoj a po shkoj a s’po shkoj unë. Vendosja e masës pa leje nga parlamenti, është përdhosje e ligjeve të vendit. Nuk ia lejoj vetes të shkel kushtetutën. Edi Rama i ka shpallur lufte opozites dhe ne do te jemi aty gati te luftojmë”- tha Berisha.
Por tashmë që Berisha refuzon të pyetet nga prokuroret, cila do të jetë lëvizja e radhës nga SPAK? A do të ashpërsojë apo jo masën e sigurisë për Sali Berishën të cilit i është bllokuar pasaporta që mos largohet jashtë Shqipërisë.
