Zëvendëskryeministrja, Belinda Balluku ka reaguar lidhur me lajmin se Shqipëria ka dalë nga lista gri e pastrimit të parave.
Balluku ka zbuluar të gjitha hapa që janë vlerësuar nga partnerët ndërkombëtar dhe anëtarët e FATF.
Sipas Ballukut, ky vendim sjell padyshim forcimin e Shqipërisë në skenën ndërkombëtare, krijimin e kushteve të favorshme për investime të huaja të mëtejshme.
“SHQIPËRIA DEL NGA LISTA GRI E FATF (Financial Action Task Force). Angazhimi i Qeverisë Shqiptare, puna për përmbushjen e reformave, reformimi i Drejtorisë së Parandalimit të Pastrimit të Parave dhe dixhitalizimit të proceseve, kanë qenë të gjitha hapa që janë vlerësuar nga partnerët ndërkombëtar. Ky vendim sjell padyshim forcimin e Shqipërisë në skenën ndërkombëtare, krijimin e kushteve të favorshme për investime të huaja të mëtejshme dhe të shërbimeve dhe një sërë benefitesh të tjera të cilat rrjedhin nga ky pozicion i ri i Shqipërisë. Lufta për parandalimin e pastrimit të parave ka qenë në fokus të punës së Qeverisë Shqiptare”, shkruan Balluku.
