Zhvillimet dhe “goditjet” e forta që kohët e fundit po bën SPAK-u drejt politikanëve të nivelit të lartë, mund të sjellë një realitet tjetër në politikën Shqiptare.
“Mbase shkojmë shumë shpejt drejt një qeverie teknike”. Ky është paralajmërimi që vjen nga gazetari Ervis Iljazaj duke e argumentuar këtë mendim të tij, se vetëm me një qeveri teknike afat-shkurtër mund që të neutralizohen presionet e politikanëve ndaj SPAK-ut.
“E dini atë shprehjen, amerikanët ta japin çadrën në verë dhe ta marin në dimër? Mendoj se mund të shkojmë drejt një qeverie teknike apo anti-korrupsion, si rruga e vetme për të lënë SPAK të punojë pa presion. Kjo mund të ndodhë para zgjedhjeve të 2025, një qeveri e cila përgatit edhe zgjedhjet e ardhshme parlamentare. Kur ndjehesh shumë i fortë, mund të ndodhë që të dorëzohesh”, tha gazetari Ervis Iljazaj.
