Vijojnë përplasjet në godinën e Kryesisë së Kuvendit, ku deputetët e opozitës vijojnë të shkaktojnë kaos.
Deputetët e opozitës kanë bllokuar sallën e Konferencës së Kryetarëve dhe ambientet e tjera në selinë e Kuvendit për të mos lejuar zhvillimin e mbledhjes, ku pritet të miratohet Projektbuxheti për vitin 2024.
Teksa kreu i Grupit të PS-së, Bledi Çuçi dhe ministri i Financave kanë tentuar që të hyjnë në salla, deputetët e opozitës janë bërë barrikadë nëpër dyer.
Më herët edhe kreu i Grupit Parlamenatr të PD, Gazmend Barhdi është përplasur me kryeparlamentaren Lindita Nikolla, duke i kërkuar shpjegime se përse u përjashtua nga Kuvendi për 10 ditë.
Deputetët që mbështesin Bardhin dhe Sali Berishen kanë vendosur të protestojnë duke bllokuar çdo aktivitetët të Kuvendit, për shkak të përjashtimit të deputetëve opozitarë.
