Garda e Republikës ka reaguar për herë të parë pas akuzave të Sali Berisha i cili ditën e sotme pohoi se efektivët ishin me armë në Kuvend me qëllim për të frikësuar deputetët e opozitës.
Në deklaratën për mediat, thuhet se ky pretendim është i pavërtetë ndërsa shtoi se Garda e Republikës mbetet e vendosur të ushtrojë gjithë përgjegjësitë dhe detyrat e ngarkuara, në funksion të garantimit të ligjit.
“Lidhur me pretendimin e disa deputetëve të opozitës, se punonjës të Gardës në seancën parlamentare kanë qenë me armë në sallë, Garda e Republikës sqaron se: Ky pretendim është tërësisht i pa vërtetë. Asnjë prej punonjësve të Gardës së Republikës, siç parashikon baza ligjore në fuqi, nuk ka qenë i pajisur me armë zjarri brenda sallës ku zhvillohen punimet. Garda e Republikës mbetet e vendosur të ushtrojë gjithë përgjegjësitë dhe detyrat e ngarkuara, në funksion të garantimit të ligjit”, thuhet në njoftim.
