Merr fund pritja për njohjen e pensioneve për mijëra emigrantë shqiptarë të cilët prej vitesh jetojnë dhe punojnë në Itali.
Shqipëria dhe Italia do të finalizojnë njohjen reciproke të pensioneve pasi të marten do të firmosin marreveshjen ministri i Jashtëm italian Antonio Tajani dhe homologu i tij shqiptar, Igli Hasani.
Qeveria Rama njofton se mrrëveshja vjen si një detyrim dhe e drejtë ndaj qytetarëve shqiptarë, italianë të cilët kanë punuar me përkushtim për 30 vjet dhe kanë kontribuar në ekonominë dhe përparimin social të të dy vendeve.
Përmes marrëveshjes, do të mbulohen pensionet e pleqërisë, sigurimet për përfitimet për sëmundjet, si dhe sigurimin për papunësinë si për shqiptarët që jetojnë në Itali, ashtu edhe për shtetasit italianë që jetojnë e punojnë në Shqipëri.
Janë rreth 500 mijë qytetarë shqiptarë emigrantë që jetojnë dhe punojnë në Itali dhe që pritet të përfitojnë nga njohja e sistemit të pensioneve mes dy shteteve.
