Presidenti Bajram Begaj ka dekretuar “4 Gushin” si datë për zgjedhjet e pjesshme që do të mbahen në Bashkinë e Himarës, pasi Komisioni Qendror i Zgjedhjeve vendosi sot heqjen e madatit të Fredi Belerit.
Kryeministri Edi Rama pritet të kandidojë ish-ministrin e LSI-së, Vangjel Tavo, me të cilin ka filluar prej kohësh fushatën, duke e emëruar dhe prefekt të Qarkut Vlorë. Ndërsa nga krahu i PBDNJ-së së Vangjel Dules po përflitet emri i Petros, djalit të Fredi Belerit.
Beleri u arrestua nga SPAK më 12 maj 2023 për korrupsion në zgjedhje, teksa garonte për Bashkinë e Himarës nën siglën e koalicionit Berisha-Meta.
