Turistët në Sarandë po shpenzojnë më pak krahasuar me një vit më parë.
Kështu ka deklaruar gazetarja e ‘Euronews’, Anxhela Lushkaj e cila theksoi se për korrikun ka një rënie të numrit të turistëve të cilët janë 40% më pak se vitin e shkuar.
“Prenotimet në këtë periudhë janë 40% më pak se një vit më parë. Flasim për periudhën 1-15 korrik, si rezervimet dhe prezenca turistike është më e pakët. Një pjesë e mirë e hotelierëve dhe operatorëve turistik i kanë sytë nga italianët. Italianët janë të njohur për muajin Gusht, pasi në Sarandë janë ata që dominojnë. Këtë vit pritet që të fillojnë nga 15-30 korriku. Kështu që një pjesë i kanë sytë nga italianët e një pjesë tjetër e operatorëve i kanë sytë nga shqiptarët e diasporës pasi ata edhe shpenzojnë më shumë. Më tepër se për mungesën e turistëve operatorët turistik janë të shqetësuar se turistët që po vijnë nuk po zhpenzojnë para. Këtë vit kemi më shumë turistë të pavarur që i përkasin moshave të reja të cilët preferojnë plazhe të virgjëra, marrin ushqime dhe qëndrojnë në airbnb”, tha gazetarja.
