Këshilli Bashkiak i Korçës ka miratuar rritjen e tarifave të ujit të pijshëm për familjet korçare, si në qytet por edhe në fshatrat e Korçës.
Më konkretisht bëhet fjalë për rritjen e çmimit të tarifës fikse duke e unifikuar atë në 200 lekë si për qytetin edhe për fshatin. Kjo tarfië për familjet e qytetit bëhet nga 140 lekë në 200 lekë në muaj, ndërsa për abonentët nga fshati rritet dyfish duke u bërë nga 100 lekë në 200 lekë në muaj.
Po ashtu ka patur rritje të çmimit të ujit edhe për tarifën për metër kub për disa fshatra, ku është rritur nga 28 lekë në 50 lekë apo nga 38 lekë në 50 lekë.
Gjatë fjalës kryebashkiaku i Korçës, Sotiraq Filo e konsideroi si të domosdoshme rritjen e çmimit të ujit, pasi sipas tij, ndërmarrja e Ujësjellës-Kanalizimeve del me bilanc negativ dhe sipas tij duhen mbuluar disa kosto.
