Drejtori i Policisë Rrugore, Altin Qato ka qëlluar me shpullë një të ri në aksin Thumanë-Kashar.
Në video duket Qato teksa qëllon të riun me shpullë në fytyrë, ndërsa i menjëhershëm ka qenë reagimi i kryepolicit Muhamet Rrumbullaku i cili ka urdhëruar “pezullimin e tij nga detyra”. Për kreun e Rrugores Altin Qaton pritet të nise hetimi disiplinor, i cili do të kryhet në bashkëpunim me Agjencinë e Mbikëqyrjes Policore.
Sipas Policisë së Shtetit, qytetarët që shfaqen në video nuk ishin pjesë e protestës që po zhvillohej nga banorët e zonës në aksin rrugor Thumanë -Kashar, por udhëtonin me mjetin e tyre në drejtim të Tiranës, duke kryer manovra në rrugë dhe kundërshtuar e ofenduar punonjësit të Policisë Rrugore, të cilët i kanë këshilluar për të ulur shpejtësinë dhe për të qëndruar në rradhë deri sa të normalizohej lëvizja.
