Euros vendosur rekorde të reja historike. Sipas kursit të këmbimit të Bankës së Shqipërisë, 1 euro u këmbye të martën me 99.6 Lekë, niveli më i ulët i regjistruar ndonjëherë në historinë e vendit tonë.
Arsyeja kryesore e rënies së Euros në javët e fundit është tërheqja e Bankës së Shqipërisë nga kontrolli mbi kursin e këmbimit të Lekut me monedhën europiane. Qysh prej muajit maj, Banka e Shqipërisë kishte nisur ndërhyrjen në tregun valutor, për të mos lejuar rënien e euros poshtë kufirit të 100 lekëve. Por, më datë 12 gusht euro ra për herë të parë poshtë kufirit të 100 lekëve, ndërsa një tendencë e ngadaltë rënëse ka vijuar edhe në ditët në vijim.
Ndërkohë, Leku po vazhdon të forcohet edhe me monedhat e tjera, pasi sot Dollari amerikan u këmbye me 89.93 Lekë, duke prekur nivelin më të uëlt që prej fundit të vitit 2008.
