Ulja e ndjeshme e temperaturave gjatë ditëve të fundit ka sjellë edhe reshjet e para të dëborës në male.
Disa prej zonave malore në Kosovë mëngjesin e sotëm janë zbardhur nga dëbora. Ekipet e kërkim shpëtimit në Kosovë kanë bërë apel që qytetarët të tregohen të kujdeshëm. Raportohet që Brezovica sot është zbardhur nga dëbora e parë, ku nuk kanë munguar turistët e apasionuar pas pistave të skive.
Parashikohet që reshjet e shiut të vijojnë deri në fund të muajit, ku nuk përjashtohet që të ketë reshje dëbore në zonat malore, si në Kosovë ashtu edhe në Shqipëri.
