Qeveria Rama ka ndarë në total veç rreth 7.8 miliardë lekë që do të jepen për pensionistët, ku përfshihet edhe fondi për bonusin apo shpërblimin, që ndahet me rastin e festave të fundvitit.
Konkretisht janë rreth 4.1 miliardë lekë që do të përdoren për indeksimin dhe 3.7 miliardë të tjera që do të shkojnë për bonusin. Shuma e fundit është e njëjtë me fondin e përvitshëm nga i cili pensionistët kanë marrë bonus me vlerw 50 mijë lekë tw vjetra. Kreu i qeverisë, Edi Rama dhe ministri i Ekonomisë, Blendi Gonxhe në deklaratat e ditëve të fundit kanë premtuar një bonus më të lartë nga vitet e kaluara.
“Duke filluar nga ky vit, bonusi i fundvitit për pensionistët do të jetë më i lartë se sa ai tradicionali. Ne kemi një ekonomi që mund të na e japë atë që duhet të marrim prej saj, për t’ua kaluar pensionistëve”, deklaroi Rama.
