Presidenca hungareze njofton se “Coreper” ka miratuar nisjen e procedurave për hapjen e një tjetër grup-kapitujsh që kanë të bëjë me politikën e jashtme të Shqipërisë. “Coreper” është komiteti i përfaqësuesve të përhershëm të vendeve anëtare, pra ambasadorët që secili vend dërgon në Bruksel.
Në mbledhjen e sotme, ambasadorët ranë dakord t’i kërkojnë Shqipërisë të ndajë me vendet anëtare pozicionin e saj negociues në lidhje me grup-kapitujt 6, Politika e Jashtme. Në të njëjtën kohë, Këshilli Europian do të punojë për të paraqitur pozicionin e vet të përbashkët, me qëllim që të përgatitet Konferenca e përbashkët ndërqeveritare me Shqipërinë.
Qeveria Rama shpreson që kjo tryezë të mbahet në dhjetor në mënyrë që Shqipëria të nisë negociatat e anëtarësimit edhe për këtë grup-kapitujsh.
