Avokati Spartak Ngjela tha se ish-ambasadorja i ka thënë se një pjesë e madhe e njerëzve të SPAK janë të trembur, ndërsa shtoi se një pakicë e vogël është e korruptuar.
“Ambasadorja amerikane, Yuri Kim, para se të ikte më tha këtë: “Ç’bën SPAK-u, se aty i kemi shpresat?”. “Ju po i paguani”, i thashë. “Atje ka një pakicë të vogël që janë ende të korruptuar, por ka një pjesë të madhe që janë të trembur”, më tha Yuri Kim. Do presim dhe do shikojmë. Dumani e ka në dorë pastrimin e korrupsionit. Ne do i qëndrojmë asaj që ka thënë Blinken: Do t’i shpëtojmë shqiptarët nga korrupsioni, dhe unë i besoj”, tha Ngjela.
Gjithashtu, Ngjela komentoi edhe lirimin e Berishës, ku tha: “Nuk e keni kuptuar, Berishën e ka liruar ligji. Dispozita ligjore që akuzohej Saliu nuk e kishte të detyrueshëm arrestin. Saliu ishte në gjendje të lirë, por nuk paraqitej në prokurori. E arrestuan në funksion të hetimit. Pse? Nëse i shmangesh hetimit, ata të arrestojnë. Mbaruan hetimin dhe e kanë çuar në gjykatë. Atë ditë mbaronte arresti i tij. Nuk e nxori njeri, e nxori ligji”.
