Zv/ndihmës Sekretari Amerikan i Shtetit për Ballkanin Perëndimor, Alexander Kasanof i “fiku” shpresat Sali Berishës sa i takon heqjes së damkës “Non Grata” nga SHBA.
Alexander Kasanof: “Normalisht nuk flas për personat e përcaktuar dhe hollësitë e atyre rasteve. Ajo që do të doja të ritheksoja këtu është se Shtetet e Bashkuara i shohin përcaktimet si mjet i rëndësishëm për të ndihmuar reformat e sistemit të drejtësisë dhe ndjekjen e çështjeve anti-korrupsion dhe të krimit të organizuar. Këto mjete janë ndërtuar për të ndihmuar agjencitë vendase në terren, sidomos agjenci si SPAK-u, që të arrijnë misionin e tyre, por janë ndërtuar edhe për të ndihmuar përmirësimin e sundimit të ligjit dhe të reformave në vazhdim në sistemin e drejtësisë. Kjo është ajo që theksojmë”
Kasanof theksoi se SHBA do të fokusohet duke i dhënë prioritet SPAK-ut dhe reformës në drejtësi.
Alexander Kasanof: “Nuk mund të flas në emër të administratës që vjen. Mund të ritheksoj për ju që në administratën e tanishme, ne do të vazhdojmë të fokusohemi tek këto reforma dhe të fokusohemi tek ndihma që institucione si SPAK-u të përmbushin misionin e tyre“.
