Deputeti i Partisë Socialiste, Pandeli Majko ka “thyer heshtjen” teksa komentoi arrestimin e Erion Veliajt.
Majko tha se asnjë deputet i PS sot nuk e akuzoi SPAK ose Altin Dumanin si mercenar për arrestimin e kryebashkiakut Veliajt.
“Ndihem në një pozitë të vështirë përballë historisë së PS dhe publikut për atë që i ka ndodhur Erion Veliajt. Përveç fëmijës, çdo familjar i tij sot ka një urdhër nga Gjykata. Por asnjëri prej neve këtu nuk u ngrit dhe të akuzë Dumanin si mercenar. Nuk u çua që të akuzojë SPAK-un si organizatë kriminale, apo të akuzojë ambasadoren amerikane me një fjalor të pahijshëm, presidentin apo dhe ish-sekretarin e shtetit. Thoni është radha jonë nuk është radhë kosi dhe as qumështi, do takohemi tek kutitë e votimit dhe do të shohim se radha e kujt do të jetë“, tha Majko duke iu drejtuar demokratëve në Kuvend./ Rilindje.info
