Juristi Ylli Manjani ka komentuar arrestimin e kryebashkiakut të Tiranës, Erion Veliaj.
Manjani e ka cilësuar arrestimin e Veliajt si një veprim të papranueshëm, duke theksuar se ai u ndalua pa fakte dhe prova, dhe që ndaj tij nuk ka akuzë zyrtare.
“Nga njoftimi i SPAK-ut, kuptojmë se Erion Veliaj nuk është i pandehur. Do të thotë që ndaj këtij personi nuk ka akuza zyrtare. Ajo që ne kemi diskutuar, dhe unë kam qenë dhe jam i vetmi që mund të kem këtë tezë, është se personi nën hetim nuk është i pandehur. Nuk mund të rrije njeriu në paraburgim dy vjet pa akuzë. Jo vetëm Erion Veliaj, por edhe kryeministrit Rama ti ndodhi kjo, unë të njëjtën gjë do të them, sepse kjo vlen për të gjithë. Shteti serioz, kur të vë në akuzë, të hedh hekurat. Nuk ka pse të arrestosh nëse ke dyshime se ai mund të prishe prova. Mund ta largosh nga detyra dhe nga zyra, por jo ta arrestosh. Nëse SPAK do të kishte prova, në atë njoftim, atëherë do të ishte i pandehur dhe do ta çonte direkt në gjyq. Po fakti që nuk e bën këtë, do të thotë që nuk është gati ta bëjë këtë gjë” tha Manjani.
