Ish-prokurori Ervin Karanxha ka komentuar hetimet ndaj kryebashkiakut të Tiranës, të cilat çuan në arrestimin e Erion Veliajt me urdhër të SPAK.
Gjatë intervistës në ‘Euronews Albania’, Karanxha vuri në dukje se avokatët e Veliajt duhej t’i kishin paraqitur të gjitha pretendimet e tyre dhe të kishin kërkuar nga drejtuesi i SPAK, Altin Dumani, largimin e prokurorit të çështjes, Olsi Dado.
Sipas tij, ky standard i krijuar nga SPAK është i rrezikshëm dhe mund të ketë pasoja të gjera.
“Veliaj mund të hetohej në gjendje të lirë, pasi është një person publik dhe nuk përbën rrezik arratisjeje. Kryetari i Bashkisë së Nju Jorkut është hetuar me masën ‘detyrim paraqitjeje’ për çështje korrupsioni, dhe madje ish-presidenti amerikan ka pasur 98 akuza pa u arrestuar. Ndërkombëtarët që kanë mbështetur këtë proces tashmë janë larguar, ndërsa standardi i vendosur mbetet dhe për mendimin tim është i rrezikshëm”, tha Karanxha./ Rilindje.info
