Kryebashkiaku i Tiranës Erion Veliaj kërkon lirinë duke ankimuar së fundmi masën e sigurisë “arrest me burg” të dhënë më 12 shkurt.
Mësohet se kërkesa për ankim është dërguar nga avokatët e kryetarit të bashkisë me anë të postës.
GJKKO më 12 shkurt miratoi kërkesën e prokurorisë për arrest me burg për kryebashkiakun e Tiranës Erion Veliaj, ndërkohë zbuti masën e sigurisë “detyrim paraqitje” për bashkëshorten e tij Ajola Xoxa.
Gjatë seancës, Veliaj tha se ishte i pafajshëm dhe akuzoi prokurorin Ols Dado për konflikt interesi. Kujtojmë që Veliaj akuzohet nga SPAK se së bashku me bashkëshorten Ajola Xoxa ndërtuan një mekanizëm kompleks korruptiv për të përvetësuar fondet publike.
