Detaje të reja ka ndal në lidhje me aksidentin tragjik që ndodhi mëngjesin e sotëm në aksin rrugor Peqin-Elbasan, pranë fshatit Bishqem.
Një furgon i mbushur me pasagjerë është përplasur me një mjet tip ‘Benz’. Për pasojë, ka humbur jetën shoferi dhe pasagjerja e Benzit, të cilët ishin nënë e bir.
I plagosur ka mbetur shoferi i furgonit dhe 4 pasagjerë, të cilët janë dërguar në spital për ndihmë mjekësore dhe ndodhen jashtë rrezikut për jetën.
“Si pasojë e aksidentit kanë humbur jetën shoferi me iniciale K.Sh., dhe pasagjerja F.Sh., 55 vjeç, që ndodheshin në makinë tip Benz. Ata ishin nënë dhe djalë. Gjithashtu, janë dëmtuar drejtuesi i furgonit, shtetasi A. B., dhe 4 pasagjerë që udhëtonin me furgon, të cilët janë transportuar në spital për ndihmë mjekësore dhe janë jashtë rrezikut për jetën”, njoftoi Policia.
Policia dhe grupi hetimor po vijojnë punën për të zbardhur rrethanat e aksidentit.












