Gjyqtari i Dhomës Penale Gerd Hoxha është emëruar ditën e sotme si zëvendëskryetar i Gjykatës së Tiranës.
Gerd Hoxha garoi me 4 kandidatë të tjerë, duke siguruar 27 vota nga kolegët e tij, duke marrë kështu rol drejtues në Gjykatën e Tiranës.
Mandati i Hoxhës parashikon ushtrim të kompetencave të kryetarit të gjykatës për 3 vite. Gjyqtari ka zëvëndësuar Flamur Kapllanin, i cili ka mbajtur postin e zv.kryetarit që nga 25 shkurti i vitit 2022.
Gerd Hoxha ka kaluar me sukses të gjitha shkallët e vettingut, si dhe është themelues i Unionit të Gjyqtarëve të Shqipërisë, organizatë e cila shërben për mbrojtjen e interesave profesionalë të gjyqtarëve të shtetit shqiptar.












