Trump Junior ka përgënjeshtruar mediat “kazan” pranë Partisë Demokratike. Richard Grenell i drejtohet Alfred Lelës për të hequr lajmin e cilësuar si të rremë, të cilin e ka ripostuar edhe vetë djali i presidentit Trump.
“Alfred Lela e kuptoj që jeni disa ditë larg një zgjedhjeje të rëndësishme. E kuptoj që emocionet janë të larta. Zgjedhjet tuaja i kam parë në heshtje nga anash, sepse Shqipëria është një aleate e rëndësishme dhe e besuar e Amerikës në NATO (dhe një nga vendet e mia të preferuara për të vizituar dhe për të pushuar). Por kjo histori nga media juaj është një gënjeshtër TOTALE. Duhet të korrigjohet menjëherë dhe të hiqet nëse ju interesojnë faktet”, shkruan Richard Grenell.
Sipas lajmit të shpërndarë më herët nga portalet pranë PD-së, Trump Jr. kishte planifikuar një takim me Edi Ramën në Tiranë, i cili ishte lobuar nga Richard Grenell. Më tej, këto media pretendonin se pasi njerëz pranë stafit të Presidentit Trump mësuan për përfshirjen e Ramës në axhendë, Donald Trump Jr. anuloi takimin dhe për pasojë edhe vizitën në Shqipëri.
