Ka ndërruar jetë Prof. Asoc. Dr. Nexhmije Subashi, mjekja e njohur shqiptare e cila ka shërbyer për shumë vite në QSUT.
Ajo ka pasur një karrierë të gjatë si mjeke laboratori, hematologe dhe pedagoge në Fakultetin e Mjekësisë, pranë Universitetit të Mjekësisë në Tiranë.
Qendra Spitalore Universitare “Nënë Tereza” i ka shprehur ngushëllimet familjes, miqve dhe kolegëve të saj për këtë humbje të madhe.
“QSU “Nënë Tereza” i shpreh ngushëllimet familjes, miqve dhe kolegëve për ndarjen nga jeta të Prof. As. Dr. Nexhmije Subashi. Prof. Asoc. Dr. Nexhmije Subashi do të mbetet një figurë e njohur në fushën e mjekësisë shqiptare, me një karrierë të gjatë si mjeke laboratori, hematologe dhe pedagoge në Fakultetin e Mjekësisë, Universiteti i Mjekësisë, Tiranë. Pushofsh në paqe prof. Nexhmije Subashi!”, njofton QSUT.












