Presidenti i Shqipërisë, Bajram Begaj ka marrë këtë të premte një letër nga homologu i tij amerikan, Donald Trump.
Përmes kësaj letre presidenti Trump i ka shprehur kreut të shtetit tonë mbështetjen e Shteteve të Bashkuara të Amerikës si dhe ka theksuar angazhimin e tij për të vijuar bashkëpunimin me Shqipërinë.
“Duke mbrojtur sovranitetin, begatinë dhe paqen përmes forcës, së bashku ne mund të arrijmë të pamundurën. Me kënaqësi pres të vazhdojmë bashkëpunimin tonë me qëllim ndërtimin e një të ardhmeje më të sigurt, më të qëndrueshme dhe me të suksesshme”, shkruan Presidenti Trump në letrën drejtuar Presidentit Begaj.
Kjo letër e Trump pason mesazhin që Presidenti i Republikës i përcolli për 249-vjetorin e Ditës së Pavarësisë së SHBA-ve.
