Zv/kryeministrja Belinda Balluku dhe kandidatja e socialistëve për Bashkinë e Tiranës, Ogerta Manastirliu kanë zhvilluar një takim në kuadër të garës për zgjedhjet e pjesshme lokale për bashkinë e Tiranës.
Balluku dhe Manastirliu ndodheshin në të njëjtin ambient të hotelit në kryeqytet ku grupi i Berishës po zhvillon takime me aleatët për të gjetur emrin e kandidatit konsensual për bashkinë e Tiranës.
E pyetur nga gazetarët, Balluku e cila drejton fushatën e PS-së në Tiranë, u shpreh: “Shumë mirë, ne e kemi kandidatin e Tiranës. Suksese për ata të PD, pasi ata janë edhe të zotët shumë kur i gjejnë kandidatët”.
Më tej Manastirliu sqaroi se ishte pjesë e një takimi për fuqizimin e grave dhe vajzave, duke deklaruar: “Ishim në një takim për fuqizimin e grave dhe vajzave”.
Sipas burimeve nga takimi i opozitës, Flamur Noka, Belind Këlliçi dhe Ilir Alimehmeti zhvilluan bisedime me Fatmir Mediun dhe Agron Dukën, për të diskutuar emrin e kandidatit të mundshëm për Bashkinë e Tiranës.
