Sali Berisha ka injoruar aleatët dhe mesa duket kandidatin për bashkinë e Tiranës do ta zgjedhë nga “gjiri” i tij që njihen gjithashtu si idhtarë të “berishizmit”.
Berisha ka njoftuar se Adriana Kalaja, Edi Paloka dhe Klevis Balliu, janë zyrtarë të lartë të Partisë Demokratike që kanë shprehur dëshirën për të garuar përballë Ogerta Manastirliut.
“Adriana Kalaja, Edi Paloka, Klevis Balliu kanë shfaqur dëshirën, por përpjekja jonë për të arritur në një ujdi të gjerë me forcat e tjera opozitare, nuk ka asnjë lidhje me problemin e kandidatëve tanë të shkëlqyer, por ka lidhje me rekordin elektoral. Kjo nuk mund të injorohet. Ka lidhje dhe me një gjë tjetër, mijëra militantë do donin kandidatë disa prej jush, por disa të tjerë do donin dikë jashtë nesh që të jemi sa më afër fitores, jo me qëllim të keq”, u shpreh Berisha, duke injoruar emrat e propozuar nga bisedimet me aleatët si aktivistët Edlira Çepani e Florian Haçkaj, apo pedagogu Ermal Hasimja.
