Kryeministri Edi Rama ka dhënë një lajm të rëndësishëm për pensionistët.
Pervec bonusit te fundvitit, Rama ka njoftuar se nga janari i vitit 2026 do të nisë një rritje mujore e pensioneve, përveç indeksimit të zakonshëm vjetor.
“Jam realisht i lumtur sot, se kam përdorur ndonjëherë këtë fjalë, por jam i lumtur sot t’u them pensionistëve se mu ashtu siç u zotuam në zgjedhje, ky mandat do të jetë mandati i rritjes së përvitshme të pensioneve. Të arrijmë vit pas viti të rrisim pensionet sipas objektivave të shpallura për secilën kategori.Pensionistët tanë, përveçse do të marrin këtë dhjetor bonusin e fundvitit, duke filluar nga janari do të kenë një rritje të shtrirë muaj pas muaji përmbi indeksimin e përvitshëm, natyrisht” deklaroi Rama duke gëzuar mijëra të moshuar që marrrin pensione të ulëta.
Qeveria Rama i ka përcjellë Kuvendit projektbuxhetin për vitin 2026, ku parashikohet jo vetëm shpërndarja e bonusit të fundvitit për pensionistët, por edhe nisja e një rritjeje të vazhdueshme mujore të pensioneve.
