Kryeministri Edi Rama ndodhet këtë të enjte në Berlin, ku do të marrë pjesë në takimin e nivelit të lartë të Koalicionit të Vullnetmirëve, me ftesë të Kancelarit Friedrich Merz.
Takimi do të zhvillohet në Kancelarinë Federale Gjermane dhe do të fokusohet në çështje që lidhen me sigurinë, paqen dhe stabilitetin në Evropë.
Pjesëmarrja e Ramës në këtë takim konsiderohet një tjetër dëshmi e angazhimit të Shqipërisë në bashkëpunimin me aleatët strategjikë dhe e rolit të saj si partnere në çështjet e sigurisë evropiane.












