Ministri i Pushtetit Vendor dhe i deleguari politik i PS në qarkun Berat, Ervin Demo, ushtroi sot të drejtën e votës në shkollën “Babë Dudë Karbunara” në Berat.
në një deklaratë për mediat pas votimit, ai i bëri thirrje qytetarëve të dalin masivisht për të votuar, ndërsa theksoi se fituesi do ketë mbështetjen e tij si ministër.
“Ai që do të drejtojë bashkinë e Beratit do të vazhdojë projektet e nisura dhe do të ketë mbështetjen time si ministër. Kandidati i Partisë Socialiste është pritur shumë mirë nga qytetarët dhe besoj fort se ajo që do të ndodhë nesër është rikonfirmimi i drejtimit të bashkisë nga kandidati ynë”, tha Demo.
