Ervin Salianji ka mohuar deklaratën e Klevis Balliut i cili tha më herët se Salianji iu kërkoi firmat për Endrit Shabanin si Avokat i Popullit.
Ervin Salianji tha se me Klevis Balliun nuk pi as kafe dhe jo më t’i kërkojë firmën.
Biseda në studio:
Ylli Rakipi: Si është kjo puna e Avokatit të Popullit? Klevis Balliu tha më kërkoi Salianji të firmosja, por pastaj tha më kërkoi Ina Zhupa të firmosja…
Ervin Salianji: Nuk kam patur asnjë komunikim me zotërinë. Firma është akt individual apo kolektiv? Nuk kam fare komunikim me Endri Shabani. Ai zotëria (Balliu) thotë ka lobuar ky, por firmat mi kërkuan këta.
Ylli Rakipi: Cinizmi shkoi deri aty sa u tha që donte Grida të ishte Shabani Avokat i Popullit dhe u lëshua Salianji të merrte firmat…
Ervin Salianji: Zotëria që tha sot publiksiht (Balliu), unë nuk ulem me atë njeri, nuk kam asnjë kontakt. Ka njerëz në PD që nuk ulesh, nuk e kam as mik, asnjë lidhje. Përgjegjësinë për firmën e ka vetë. Ai thotë më loboi ky dhe më tha ajo (Zhupa). Saimir Korreshi tha publikisht, që na e ka kërkuar shoku Flamur. Berisha ka thënë ia kanë dhënë firmën sepse ia kanë dhënë si shkëmbim për mbështetjen për Florian Binajn. Ku hyj unë këtu? Përse unë po them disa mendime në PD, më ngarkojnë këto, edhe zgjedhjet do dali që i kam humbur unë… Po ta them, nuk kam lidhje me Avokatin e Popullit, nuk kam asnjë firmë. Mendimi im ishte të mbështeteshin Ndregjoni, Kalaja, Haluci. PD ka një çoroditje strategjike, duhet të dilte me një emër. Ne kemi çuar para tre vitesh një emër, Ledio Brahon, si mund të çojmë 15 emra tani? PD me qëndrim zyrtar, po bën luftë me Soros, si firmosin për kandidaturën që ka punuar te Soros?
***Ndërhyn Balliu në emision***
Klevis Balliu: Sa i përket asaj që keni cituar atje. Në mbledhejn e kryesisë, dy deputetë, thanë për Ervinin, më ka thënë për të dhënë firmën për Shabanin. Ervini e pranoi. Unë u habita, sepse mua nuk ma ka kërkuar Ervini por mikja ime Ina Zhupa. Dy kolegët Hoti dhe Himçi, i thanë Salianjit, ti na e kërkove firmën.
