Në një periudhë kur tensionet politike në Shqipëri dhe në arenën ndërkombëtare po rriten, opinionistët e çështjeve politike paralajmërojnë zhvillime që mund të ndikojnë në ekuilibrat globalë.
Alfred Cako ka bërë deklarata të forta në emisionin “Rrethi Katror”, pasi ka paralajmëruar një luftë civile në SHBA gjatë vitit 2026.
A jemi afër një lufte bërthamore?
Cako: “Ata po i deklarojnë vetë gjërat, jemi në prag të një lufte bërthamore. Ekziston një grup i madh që kërkon të kthejë botën në multipolare. Ky grup shpes është anëtar i një koalicioni që quhet “Dritë”, Rusia dhe Kina. Këto shtete po kërkojnë të sfidojnë SHBA. Perëndimi, fitues i luftës së ftohtë, kishte mundësi të ndihmonte Bashkimin Sovjetik, ose të zgjidhte rrugën që zgjodhi për ta copëtuar dhe shfrytëzuar si fuqi imperialiste. Imagjinoni sikur rreth SHBA të shkojë Kina dhe Rusia me armët bërthamore. Rusisë i kanë shkuar 100 milje larg me raketat e tyre. Putin shumë herë i ka kërcënuar: “nëse më sulmoni, nuk ju përballoj dot me luftë konvencionale, por kam armët bërthamore”. Fuqia e Rusisë është fuqia tokësore dhe submarina; nuk ka flotë të fuqishme detare.Jemi para një lufte civile që do të ndodhë vitin tjetër në Amerikë“.
REALITETI – Ky reagim i fortë i Alfred Cakos nuk mbështetet në asgjë konkrete por ai njihet për deklarata të forta me qëllim që të tërheqë vëmendjen mediatike.
