Një aksident i rëndë me pasojë vdekjen e një 37 vjeçari ka ndodhur në Elbasan, konkretisht në aksin rrugor “Çepe-Belsh”.
Sipas Policisë, viktima po udhëtonte me motomjet teksa është goditur nga një kamion.
“Specialistët e Qarkullimit Rrugor arrestuan në flagrancë shtetasin F. P., 48 vjeç, banues në Belsh, pasi dje, në aksin rrugor “Çepe–Belsh”, kamioni që ai drejtonte ka përplasur motomjetin me drejtues shtetasin E. K., 37 vjeç, banues në fshatin Seferan. Si pasojë e dëmtimeve të marra, shtetasi E. K. ka humbur jetën në spital“, njofton policia.
