Sinoptikania Lajda Porja paralajmëruar se duke filluar nga e enjtja dhe e premtja do të ketë një ndryshim drastik të kushteve atmosferike.
Sipas meterorologes, dita e premte do të sjellë temperatura acari në të gjithë vendin ndërsa edhe Tirana do të ketë temperatura nën 0 gradë.
Porja gjithashtu thekson se ditën e enjte mund të ketë flokë dëbore edhe në Tiranë.
Pyetje: Thonë që do të bjerë dëborë në Tiranë?
“Është një janar tipik dimri me temperatura të ulëta që do të vijojnë gjatë gjithë muajit. Ekziston një probabilitet mjaft i lartë që gjatë Janarit sidomos gjatë pjesës së parë deri nga data 15 do të kemi mundësi ta shijojme edhe flokët e dëborës në Tiranë por ky është një parashikim mjaft kompleks duke qenë se kryeqyteti i ka shumë të rralla ditët me temperatura nën 0 gradë. Gjatë ditës së enjte ekziston propabiliteti i madh për dëborë në Tirane, pasi duke u larguar sistemi i vrenjtësirave dhe duke ardhur masa e ftohtë mund të kemi atë përplasjen për të sjellë flokë dëbore në kryeqytet. Më pas dita e premte në Tiranë do të ketë temperatura shumë të ulëta por pa reshje”, tha Porja.
